Aktori i dashur i humorit, Bes Kallaku ka treguar herë pas here se nuk mund të shkëputet nga jeta e tij në fshat. Ai rikthehet shpeshherë atje, për të korrur, mbjellë apo për të shijuar çdo të mirë tjetër që të ofron jeta atje.
Së fundmi Kallaku ka publikuar një foto mes vreshtave, duke treguar se është mjaft krenar për fshatin dhe prodhimet që ai jep.
“Shqipëria nuk prodhon ‘Ferrari’ as ‘Mercedes’. Çfarë na jep toka e na ka falur zoti. Me të gjithë kushtet e vështira të tregut, katunari prapë ja del. Krenar për fshatin. Bio, bio, bio. Nuk ndryshoj kurrë. Nuk është ashtu siç duket, është domatë”, ka shkruar Besi krah fotos së fundit të publikuar në llogarinë e tij në ‘Instagram’.
Kujtojmë se Besi është shprehur publikisht se është rritur në fshatin e Bubqit, aty ku dhe është kthyer gjithmonë pranë njerëzve të tij të dashur dhe të mirave që ofron ky vend./revistawho.com
