Blogerja e njohur Sara Hoxha ka hedhur dritë mbi mënyrën se si ajo dhe reperi Ledri Vula organizojnë kujdesin për vajzën e tyre, Poem Blu, edhe pse jetojnë në qytete të ndryshme – ajo në Tiranë dhe ai në Prishtinë.
Gjatë një sesioni “Pyet Më” në Instagram, një ndjekës e pyeti:
“Si e menaxhon sfidën e bashkë-prindërimit kur jetoni në qytete të ndryshme?”
Sara iu përgjigj hapur dhe me sinqeritet:
“Nuk është gjithmonë e lehtë, por me kohë mëson si ta bësh të funksionojë. Komunikimi dhe respekti janë gjithçka. Në fund të ditës, ajo që ka më shumë rëndësi është t’i bësh fëmijët të ndihen të dashur dhe të sigurt, pavarësisht distancës.”
Me këtë mesazh, Sara nënvizon se përkundër sfidave gjeografike dhe angazhimeve të tyre të ndryshme, prioriteti kryesor mbetet mirëqenia emocionale e Poem Blu!
