Tuna dhe Dafina kanë qenë dikur mikesha shumë të mira. Hiti i tyre “Vibe” në 2010-ën ishte një superhit që vazhdon të dëgjohet edhe sot. Por për arsye që asnjëra prej tyre nuk i tha, mikeshat u distancuan dhe prej vitesh nuk i folën njëra tjetrën. Megjithatë Dafina mesa duket ka vendosur që këtë vit të rregullojë miqësitë e prishura me kolegët pasi pak kohë më parë ajo u miqësua me Noizy-n, ndërkohë që sot i ka bërë “follow” Tunës në Instagram duke pëlqyer edhe disa foto të saj. Ky veprim tregon se Tuna dhe Dafina i kanë rregulluar çështjet mes tyre dhe tani ato janë përsëri mikesha. Shpresojmë që pas lindjes së djalit, kur Tuna t’i rikthehet muzikës, dy këngëtaret të bashkëpunojnë sërish duke na sjellë një tjetër hit./revistawho.com
