Dukesha e Sussex-it, Meghan Markle, ka bërë një tjetër koment thumbues ndaj familjes mbretërore britanike. Në një intervistë për Bloomberg Originals, ajo foli hapur për periudhën kur ndjehej e kufizuar nga protokollet mbretërore dhe jo autentike.
“Nuk e kam të vështirë të jem afër me publikun, unë thjesht jam vetvetja. Ishte ndryshe disa vite më parë, kur nuk mund të isha kaq e zëshme dhe më duhej të vishja gjithmonë çorape ngjyrë lëkure. Të jem e sinqertë, kjo nuk është aspak në stilin tim. Nuk kisha parë çorape të tilla që nga filmat e viteve ’80”, tha ajo, duke e cilësuar këtë një shembull të thjeshtë, por tregues të ndjenjës së mungesës së lirisë.
Meghan theksoi se sot ndihet shumë më rehat, e lirë të vishet si dëshiron dhe të shfaqet e sinqertë: “Është e rëndësishme të ndihesh autentike, të thuash të vërtetën dhe të jesh në hapësira ku mund të shfaqesh realisht vetvetja.”
Ajo dhe Princi Harry aktualisht jetojnë në një vilë luksoze në Montecito, Kaliforni, ndërsa Dukesha vijon të tërheqë vëmendje me komentet e saj ndaj jetës në Mbretërinë e Bashkuar.
