Nëna e Britney Spears donte të takonte të bijën, kështu që mori avionin për në Los Angeles dhe këngëtarja e priste në shtëpinë e saj.
Lynne Spears shoqërohej nga menaxheri i Britney në rezidencën që ajo ndan me të shoqin Sam Asghari dhe sipas TMZ ata kaluan më shumë se 2 orë së bashku, ndërsa Asghari ishte i pranishëm.
Pas shumë mosmarrëveshjesh, Britney Spears dhe nëna e saj duket se po afrohen më shumë, pasi kontrolli konservator nga babai i këngëtares ishte mbytës dhe nëna e saj nuk e mbështeti atë.
“Më vjen shumë keq për dhimbjen tënde”, tha Lynne Spears në Instagram dhe theksoi: “Britney, thellë brenda vetes e di sa shumë të dua dhe më mungon! I kërkoj falje për çdo gjë që e lëndoi!”.
“Për 13 vjet, më duhej të vizitoja mjekët çdo javë për të larguar të kaluarën time”, u shpreh më parë Britney Spears. “Shpresoj që të gjithë të digjeni në ferr!!!”, shkroi ndër të tjera këngëtarja në mesazhin ku sulmonte verbalisht nënën e saj.
Mesa duket, çdo gjë ka mbetur pas.
