Kënga ‘Creep On Me’ e reperit shqiptar Gashi, është nga hitet që e kemi dëgjuar kudo vitin e kaluar, sidomos në sezonin e verës. Mesa duket, kjo këngë vazhdon të mbetet një nga më të preferuarat e fansave të tij, pasi ky projekt ka arritur 100 milionë klikime. Lajmin e dha vetë Gashi nëpërmjet një statusi në ‘Instagram’, ku shkruante se për të kjo arritje ishte diçka tepër e rëndësishme. “Creep On Me ka arritur 100 milionë klikime. Kjo është diçka tepër e rëndësishme për mua pasi nuk kam blerë asnjë prej tyre, madje as nuk kam kërkuar ndihmë për të shtyrë projektin të ecë para, ashtu siç duhet të kisha bërë”, ka shkruar reperi. Fansat, të cilët kanë qenë gjithmonë mbështetja e tij më e madhe, nuk kanë hezituar të shprehin dashamirësinë ndaj Gashit dhe të tregojnë se janë të lumtur për këtë arritje. Që pas publikimit të ‘Creep On Me’ reperi ka sjellë shumë projekte të reja, ndër më të pëlqyerat përmendim ‘My Year’ që erdhi në bashkëpunim me G-eazy./revistawho.com
https://www.instagram.com/p/B0dlhmol7US/?igshid=iw0c36diosvs
