Shalqiri është një ndër frutat më të preferuar të verës. Megjithatë shumë persona e kanë të vështirë ta konsumojnë për shkak të farave të tij. Por tashmë duhet ta dini se hedhja e farave të shalqirit është një veprim i gabuar. Farat e shalqirit janë të pasura me vlera ushqyese dhe duhet të konsumohen. Por edhe nëse nuk u pëlqen ta konsumoni me gjithë pjesën e frutit, mund të provoni t’i piqini dhe t’i konsumoni në atë lloj mënyre. Këto fara kanë shumë vlera duke përfshirë këtu zinkun, hekurin, fibra dhe proteina. Këto lëndë ushqyese u ndihmojnë për të reduktuar riskun nga sëmundjet e zemrës, diabeti, rrit imunitetin dhe u ndihmojnë të bini në peshë.
Njëri nga mineralet që gjendet tek shalqiri dhe që është shumë i dobishëm, është dhe magnezi. Një grusht fara shalqiri përmban 21 mg magnez. Ky mineral është shumë i rëndësishëm për proceset metabolike të trupit.
Gjithashtu farat e shalqirit përmbajnë shumë acid folik, i cili është shumë i nevojshëm për të gjithë njerëzit dhe mbi të gjitha për gratë shtatzëna. /revistawho.com
