Fotot e Elon Musk gjatë pushimeve në Mykonos janë bërë virale në rrjete sociale. Pronari i Teslas përdori platformën e Twitter për t’iu përgjigjur imazhit ku shfaqej topless me një peshqir të mbështjellë rreth belit.
“Haha dreqin, ndoshta duhet të heq këmishën time më shpesh”, ka shkruar Musk dhe më pas shtoi: “Free the nip!”, një referencë e fushatës për gratë që të kenë të drejtën të nxjerrin thithkat në publik.
Musk përdori gjithashtu Twitterin për t’u thënë të gjithëve se ai “tashmë ishte kthyer në fabrikë “.
Musk aktualisht është përfshirë në një padi me bordin e Twitter pasi u tërhoq nga blerja e faqes. Musk ka tallur vazhdimisht kompaninë me meme në lidhje me faktin se ata po përpiqen ta detyrojnë atë të vazhdojë marrëveshjen dhe të blejë platformën.
