Ardian Bujupi ka zgjedhur t’ua dedikojë të gjithë emigrantëve këngën e tij të re, “Casino”, duke treguar anën e errët të emigrimit të paligjshëm dhe mesazhin e fortë se sërish mund t’ia dalësh mbanë.
Një vogëlush, i cili fshihet në pjesën e pasme të makinës për të kaluar doganën përfundon duke bërë jetë rruge. Ndonëse largohet nga shteti pa para dhe pa të ardhme, ai e gjen veten në mes të alkoolit, drogës dhe më pas përfundon duke vjedhur.
Në një moment, djali zbulon mikrofonin dhe i përkushtohet në maksimum muzikës.
Në një pjesë të tekstit, Ardiani përsërit frazën: “Nuk ishte e lehtë, nuk ishte e lehtë, nuk ishte e lehtë këtu në geto. Nëse pasurohem, do të jetë koha për shpëtim”.
Më tej teksti vijon me mesazhin se në jetë pavarësisht vështirësive mund t’ia dalësh mbanë:“I varfër apo i pasur, e meritoj këtë”.
Kënga është në gjuhën gjermane dhe pritet që të jetë suksesi i rradhës për artistin falë tematikës së fortë sociale që ajo përmban.
“Casino” tashmë është publikuar në të gjitha platformat e ndryshme muzikore dhe është pjesë e albumit të ri të Ardianit, “Rahat”./revistawho.com
