Jemi në ditën e Shën Valentinit dhe nëse ende nuk keni vendosur se çfarë do të vishni, ndiqni këto këshilla dhe partneri nuk do ua heqë sytë për asnjë sekondë.
Ju mund të vishni një fund treçereksh dhe do të dukeni mahnitëse. Një i tillë me pala dhe në ngjyra pastel do të duket bukur jo vetëm gjatë ditës, por edhe në mbrëmje nëse ke bërë plan të dalësh me partnerin. Kombinoje me një palë taka, një bluzë të këndshme ose një t-shirt për t’u dukur me casual.
Do të dukesh elegante dhe e ëmbël? Atëherë roza është ngjyra klasike për Shën Valentin. Një fund i hollë e i gjatë rozë do të jetë perfekt për një mbrëmje jashtë. Kombinoje me një pulovër të lirshme me ngjyra pastel.
Do të bësh diferencën? Epo zgjidhja është ngjyra e kuqe. Kombinoje atë me një ngjyrë më neutrale për të qenë më klasike. Nëse je ndryshe nga shumica, nuk do vishje kurrë rozë apo të kuqe për Shën Valentin, pse nuk provon të zezën? Do të kesh patjetër të njëjtin sukses, sidomos nëse e kombinon me një xhaketë lëkure të zezë.
Padyshim që aksesorët nuk duhet të mungojnë. Aksesorë si kapelë, varëse e ҫantë, të shtojnë elegancën nëse i kombinon me pastel.
