Pas ndarjes nga Liam Hemsworth, Miley Cyrus u hodh në krahët e Kaitlynn Carter, e cila më parë ka qenë e lidhur me Brody Jenner. Pavarësisht se ndarja e tyre erdhi e papritur, duket se ai dhe Kaitlyn kanë mbetur miq të mirë dhe këtë gjë vërteton dhurata që ajo dhe Miley i bën për ditëlindje. 36-vjeçari ka publikuar në ‘Instagram’ një video në të cilën shihet duke hapur dhuratën e dy vajzave të njohura, që ishte një buqetë me kanabis përgatitur nga dyqani “Lowell Herb Co”. Ato kishin shkruar dhe një kartolinë urimi ku thuhej: “Për të të uruar gëzuar ditëlindjen! Të duam! Miley + Kaitlynn”.
Brody duket se e ka pëlqyer shumë dhuratën dhe prandaj e ka ndarë me të gjithë ndjekësit e tij në ‘Instagram’. “Nuk kam parë asnjëherë diçka të tillë në jetën time. Miley dhe Kaitlyn e njohin mirë kompaninë time të preferuar”, dëgjohet të thotë në video Jenner.
Kaitlyn dhe Brody i dhanë fund marrëdhënies së tyre në fillim të këtij muaji, gati 1 vit pas ceremonisë martesore në Indonezi. Ata të dy kanë qenë miq me njëri-tjetrin për 6 vite, prandaj edhe tani pas ndarjes ruajnë raporte të mira. Ndërsa Miley dhe Liam u ndanë 8 muaj pas martesës dhe së fundmi është mësuar se Hemsworth ka plotësuar dokumentat për divorc. /revistawho.com
