Tërmeti i tmerrshëm që goditi Turqinë dhe Sirinë të hënën la mijëra njerëz të vdekur dhe të zhdukur.
Një nga personat që ka humbur plotësisht kontaktet është ylli i kinematografisë turke, Cansu Dere.
Deri më tani nuk dihet asgjë për të dhe nuk dihet ende vendndodhja e saj, kjo pasi nuk ka bërë asnjë reagim në rrjetet sociale.
Në rrjet po qarkullojnë aludime për fatin e aktores, por duhet theksuar se ato kanë ardhur thjesht nga mosreagimi i saj në rrjete sociale.
Shqetësimi për Dere u shtua pasi ajo si personazh publik nuk publikoi asgjë për fatkeqësinë në rrjetet e saj sociale, gjë të cilën e bënë shumë figura të tjera të njohura dhe kolegë të saj që janë gjendur pranë familjeve të prekura.
Por ka edhe nga ata të cilët nuk dyshojnë se aktorja ka qenë e prekur nga tërmeti dhe kanë vërshuar drejt saj me një sërë akuzash për mosreagimin ndaj tragjedisë që deri tani ka marrë më shumë se 20 mijë jetë njerëzish.
