Julia Roberts ka zgjedhur që gjatë 35 viteve të karrierës të mos luajë kurrë skena nudo. Gjatë një interviste të fundit aktorja tregoi dhe arsyen.
“Jo për të kritikuar zgjedhjet e të tjerëve, por për mua të mos zhvishem në një film apo të jem fizikisht e cenueshme është një zgjedhje që e bëj unë për veten”, u shpreh ajo.
Roberts shtoi se në karrierën e saj ka luajtur në filma të përshtatshëm për audiencën e gjerë. Ajo kishte një dublante për skenat e saj erotike në filmin “Pretty Woman” ku luante rolin e një prostitute dhe ka rrëfyer se ka kërkuar që një skenë seksi në filmin “Duplicity” të ndryshohej.
“Nuk do të luaja nudo në filma. Të aktroj me rrobat veshur është performancë. Të aktroj e zhveshur është një dokumentar”, ka thënë aktorja.
