Së fundmi Mozzik ka dhënë një intervistë ekskluzivisht për “Prive”, ku ka treguar shumëçka në lidhje me jetën profesionale e private. Duke qenë se këto kohë është përfolur shumë për ndarjen nga Loredana, reperi nuk u ka shpëtuar disa pyetjeve për të. Mozzik ka zbuluar se marrëdhënia me Loredanën nuk ka kthim pas, pasi ata janë në proces divorci. Reperi ka thënë se ky proces do të zgjasë gjatë për shkak të ligjeve të forta zvicerane, por pavarësisht gjithçkaje ata ruajnë raportet e mira për hir të vajzës së tyre, Hana. Mozzik ka treguar se ai ka komunikim të përditshëm me Loredanën, pasi duhet të flasë me vajzën. Për të disatën herë reperi ka konfirmuar se kënga e tij “Dhelpër Dinake” nuk është dedikim për Loredanën, pasi nuk mundet ta quajë dhelpër nënën e vajzës së tij. Mozzik ka rrëfyer se ditët e para kur u bë baba i dukej pak e çuditshme, por më pas u mësua dhe për 7 muaj ka fjetur vetëm me Hanën. Kujtojmë se vogëlushja e Mozzik për pak ditë do të festojë 1-vjetorin e lindjes. /revistawho.com
Nuk ka më kthim pas, Loredana dhe Mozzik kanë nisur procedurat e divorcit
