Një nga temat më të përfolura të këtij Big Brotheri ka qenë lidhja e Livias dhe këngëtarit Mevlan Shaba. Ky i fundit u bë pjesë e BBVK, nga ku u zbulua se do të bëhej baba për herë të parë. Por lidhja me Livian u bë sërish temë diskutimi, kur ai i dërgoi një mesazh asaj.
“Flej me ty e zgjohem me ty, nuk e di çfarë Zoti ka shkruar për ne të dy por di të them që dashuri më të fortë në jetën time unë nuk kam provuar. Inshallah me fitore. Melo”,shkruhej në mesazh.
Kaq mjaftoi për ta emocionuar Livian e cila ia ktheu:
Të du, të du, të dua. Është hera e parë që e bërtas në këtë vend, por të dua shumë”.
Por duket se gjërat kanë ndryshuar kur ajo ka dalë nga shtëpia e BBV.
Në një intervistë për “Pardon my french”, ajo tha se ka folur me Mevlanin, por vetëm kaq.
“Në këtë moment nuk kam sy për askënd. Po merrem vetëm me veten. Unë kam qenë e lidhur deri vonë dhe nuk më ngacmonin çunat aspak. Po mendoj për veten. Jam single, por merrem me veten. Kemi folur, mund të them qe kemi folur. Nuk do të them më shumë por ne kemi pasur mundësi që të flasim. Kemi respekt për njëri – tjetrin, kemi arritur në këtë pikë dhe mendoj që kjo është gjëja më e shëndetshme mes dy njerëzve që janë dashur shumë. Kaq”, tha ajo.
