Aktorja dhe moderatorja e njohur Rudina Dembacaj ka ndarë së fundmi mendimet e saj pa filtra në një intervistë për emisionin “Pushime On Top”, ku është ndalur tek raportet me koleget në emisionin “Goca & Gra”.
E pyetur nga moderatori Eni Shehu se me kë nga vajzat ka më shumë kimi dhe me kë më pak, Rudina ka folur me sinqeritet për çdo emër: Gerta Gixharin, Egla Cenon, Loredana Bratin dhe Kleoniki Delijn.
Kur bëhet fjalë për Gertën, Dembacaj ka pranuar se nuk ndihen të afërta në ekran:
“Personi që unë nuk kuptohem është Gerta, për shembull nëse i bëj një pyetje ose nëse jemi në një diskutim ku më duhet t’i drejtohem edhe Gertës, mendimi i Gertës fillon këtu dhe mua më ik komplet vëmendja sepse flet gjatë. Më humbet durimi se zgjatet, zgjatet, zgjatet. Nuk është se kemi atë kiminë e studios, nuk e kam me Gertën.”
Në të kundërt, për Eglën tregon se janë krijuar lidhje më të forta me kalimin e kohës:
“Merrem vesh shumë kollaj me sy me Eglën se është sezoni i dytë dhe është më e thjeshtë.”
Për Kleonikin, Rudina shpreh vlerësim për origjinalitetin e saj:
“Dashuroj Kleonikin, në aspektin se ajo ka shumë autenticitet në gjërat që thotë, prandaj e dua televizivisht, se si person kemi qëndruar shumë pak bashkë me thënë të drejtën. Nga ana televizive është një vajzë që e shpreh mendimin e saj me autenticitet, siç e ka të vetin.”
Ndërkohë, për Loredanën, moderatorja shton se e ka shumë për zemër: “E kam shumë xhan edhe Loredanën, por na ka ngelë pak ky mentaliteti unë dhe Egli që jemi dy të sezonit të kaluar. ‘Ju të vjetrat’, na thotë Gerta. Unë i thashë nuk jemi të vjetra, jemi të kahershme, më të rezistuarat.”
