Reperi i njohur Mc Kresha ka zbuluar disa detaje tepër interesante nga jeta private gjatë një interviste në podcastin “Flet”.
Një nga temat e diskutuara ishte konflikti i tij me grupin Babastars dhe veçanërisht me Getoarin.
Mc Kresha pranoi se konflikti mes tyre kishte zgjatur për më shumë se 11 vite, duke theksuar se gjatë kësaj periudhe nuk kishin komunikuar fare.
“Me Getin s’kam fol për më shumë se 11 vjet,” tha ai.
Megjithatë duket se gjatë takimit të tyre të fundit mund të ketë patur një pajtim. Ja çfarë thotë Kresha: “Edhe kur u takuam kohëve të fundit, po qeshnim. Thashë: Aq shumë e kemi marrë seriozisht këtë Beef more vëllai. Jemi hidhëruar, s’kemi fol dhe asnjë lek s’e kemi shfrytëzuar.”
Reperi e krahasoi këtë konflik me rivalitetet e famshme në industrinë muzikore ndërkombëtare, si ajo mes Kendrick Lamar dhe Drake, duke theksuar se konflikti mes tij dhe Getit nuk ishte shfrytêzuar për biznes apo përfitime ekonomike. “E kemi marrë aq kulturarisht sa s’jemi marrë me të në formë biznesore,” shtoi ai.
