Këngëtarja Adelina Tahiri është distancuar nga muzika prej kohësh dhe gjasat që të rikthehet janë të pakta, të paktën këtë ka lënë të kuptohet në intervistat e fundit. Megjithatë puna që ka bërë prej vitesh dhe hitet që i kanë rezistuar kohës vazhdojnë të dëgjohen, madje edhe jashtë Shqipërisë.
Ka qenë vetë këngëtarja ajo që e ka zbuluar këtë fakt me një postim të para pak orëve. Një fanse i ka dërguar një video ku shpjegon se punon në një biznes në Greqi dhe vendos këngët e Adelinës për të nisur ditën me energji pozitive.
Duke marrë parasysh se një pjesë e mirë e këngëve të bukuroshes së ekranit janë ritmike, ato ndikojnë vërtetë pozitivisht në nisjen me energji të ditës. Pavarësisht distancimit të dukshëm nga muzika, Adelina vazhdon të jetë e ndjekur dhe e dashur për publikun, veçanërisht fansat e saj. /revistawho.com
