Aktorja Eliona Pitarka, e ftuar pasditen e sotme në “S’e Luan Topi”, ka rrëfyer për herë të parë vështirësitë me të cilat është përballur në nisje të karrierës së saj televizive.
“Duke qenë se më ndjekin jo vetëm nëna, por edhe vajza të reja në rrjete sociale të tregoj që jo çdo gjë vjen me një kërcitje gishtash, duhet ta kuptojnë se duhet të punojnë fort për të arritur gjërat. Kur kam nisur unë isha në provë në programin në të cilin punoja, dëshira ime shumë e madhe për të marrë pjesë, isha në provë pa pagesë. Më është dashur të shkoj dy muaj në provë. Nuk kisha të ardhura, ishte sakrificë të merrja dy autobusë, ka pasur raste që një stacion e paguaja, tjetrin e bëja në këmbë se nuk kisha para për biletën e dytë, se e kisha goxha larg dhe ndërroja dy autobusë për të shkuar deri aty, por këtë nuk e thoja për asnjë moment atje që..’shiko se…’. Në asnjë moment s’e kam bërë, thjesht doja që të fokusohesha që t’i bindja ata që unë vleja, sepse më dukeshin vogëlsira, pavarësisht se ishin sakrifica, kishte raste që shkoja në këmbë”, ka thënë ajo.
