Nuk mbarojnë telashet për familjen Kardashian, Kris Jenner akuzohet për abuzim seksual

Duket se telashet nuk kanë të sosur për familjen Kardashian. Mamaja e motrave të famshme, Kris Jenner,  akuzohet nga ish-truproja i saj për abuzim seksual. Edhe pse emri i tij nuk është bërë publik, në media qarkullojnë disa pjesë të historisë. Ish-truproja e akuzon se Kris nisi t’i bënte fillimisht komente seksuale, pastaj e detyroi me forcë të kryenin marrëdhënie. Megjithatë avokati i Kris e mohon këtë. Ai tregon se Jenner e hoqi nga puna pasi e ka kapur duke fjetur disa herë në orar pune. Tashmë mbetet për të parë në vazhdim zhvillimin e historisë, megjithatë Kris dhe vajzat e saj janë ‘mësuar’ me skandale të tilla, aq sa flitet se i bëjnë vetë për vēmendje.