Quhet Iliada Haxhillari dhe është shtatzënë në muajin e saj të 7-të, por ka nevojë për ndihmë ekonomike që fëmija të vijë shëndoshë e mirë në jetë dhe që mamaja në pritje, Iliada, të mos rrezikojë jetën e saj.
Shpeshherë shtatëzanitë nxjerrin në pah një sërë sëmundjesh dhe komplikacionesh që gratë mbartin, sepse lindja e një fëmije është më e ndërlikuar seç mund të pandehet.
Iliada ka lindur me një ç’rregullim të rrallë në zemër që quhet “anomalia ebstein” dhe në fillim kardiologët i kanë thënë që ta abortonte fëmijën në pritje, por ajo nuk është dorëzuar dhe ka filluar betejën vetëm e vetëm nga dëshira për të gëzuar ndjenjën më të bukur, prindërimin.
Këto janë fjalët dhe apeli i Iliadës:
Përshëndetje JOQ! Nuk mund ta mbysja një jetë që sapo kishte nisur dhe kjo mbase do më kushtojë jetën time, por un dua që me çdo kusht apo çmim ta sjell në këtë botë beben time. Kam vërtet nevojë për ndihmën e çdokujt që ka mundësi të më ndihmojë ekonomikisht, sepse duhet të udhëtoj jashtë vendit, në spitalet e Romës ose Milanos, për të ndjekur shtatëzaninë në mënyrë që jeta e bebit ose e imja mos të vihet në rrezik. Shuma që më duhet është 3 mijë euro, por unë e di që më duhen më shumë… Nëse dikush e vë dorën në zemër do i ishim mirënjohës për jetë të jetëve”, përfundoi Iliada.
Këto janë të dhënat e Iliadës për këdo që mund t’i ofrojë ndihmë asaj dhe bebes:
Nr i telefonit: 0675182128
Iban ne Lek:
AL53202111230000000010442070
Iban ne Euro:
AL86202110990000000000442070
Kodi Swift: SGSBALTX
Jeta e dy qënieve njerëzore nuk mund të lihet në mëshirë të 3000 eurove, prandaj JOQ bën apel për të gjithë ata që kanë mundësi financiare që ta ndihmojnë Iliadën.
Më poshtë keni dhe foto nga diagnostifikimi në spitalet shqiptare./JOQ
