Një dokumentar i detajuar dhe i realizuar nga programi ‘Top Story’ në ‘Top Channel’ rreth luftës ndaj ‘Covid-19’ dhe atyre që janë në front të parë me virusin, mjekëve, ka prekur shumë teleshikues, ndër to dhe moderatoren Arbana Osmani. Ajo ka ndarë në llogarinë e saj një moment të shkëputur nga programi, duke treguar se këto pamje e kanë prekur shumë.
“Te shohesh Doktoreshe Najaden dhe ekipin e saj te jashtezakonshem kaq te prekur kur flasin per njerezit e tyre me te dashur ta ligeshton zemren, por te ben te ndjehesh gjithashtu krenar qe jeton ne nje vend me nje ekip mjekesor qe ben kete sakrifice sublime ne kete kohe. Nuk munda ti mbaj lotet ne fund te “Top storyt” qe duhet te shihni te gjithe, per te njohur se cilet jane HERONJTE E VERTETE. Faleminderit”, ka shkruar Osmani krah postimit të fundit në rrjetet sociale.
Arbana ka treguar se shumë shpejt po mendon të rikthehet në ekran pas pushimit të detyrueshëm nga ‘Covid-19’, megjithatë moderatorja është duke kërkuar ende mënyrat e duhura pa rrezikuar shëndetin e askujt së bashku me stafin e saj.
https://www.instagram.com/p/B_lDUjeAnoc/?igshid=1oluf9dy7eft6
