Juristja Eni Ҫobani u kthye shumë shpejt në një nga figurat më të dashura të ekranit shqiptar, falë drejtimit të rubrikës ‘Shihemi në gjyq’ në programin ‘E diela shqiptare’ ku prej vitesh trajton dhe ndërmjetëson situata dhe çështje që kanë prekur jo rrallë publikun.
Me sezonin e ri, ka nisur kështu një kapitull i ri me gjasa po aq i ndjekur sa të kaluarit. Ditëne sotme, para se të niste çështja ndërmjet palëve, moderatori Ardit Gjebrea ka pyetur Eni Ҫobanin se cila ka qënë situata më e vështirë me të cilën ajo është përballur në këtë program dhe si e ka trajtuar atë.
‘Ka qënë një natë dimri, ashtu si shpeshherë janë oraret e mia të punës, të zgjatura. Deri në orën 22:00 isha duke komunikuar me protagonisten që do të vinte ditën tjetër për t’u paraqitur në ‘Shihemi në gjyq’, por një orë më pas ajo më telefonon duke më thënë se i vinte keq dhe nuk vinte dot. Mbylla telefonin dhe nata më kaloi pa gjumë. Në mëngjes herët, kam marrë makinën dhe udhëtova 3 orë larg Tiranës, gjeta shtëpinë e zonjës dhe i thashë që të çonim deri në fund atë që kishim nisur. Pas disa përpjekjeve bashkë erdhëm në studio dhe çështja u finalizua me sukses’, – ka treguar juristja e njohur.
xing.al
