Toros Shahanian, ka qenë një ndër personazhet më të spikatur në spektaklin ‘Big Brother Albania’. Ai njihet për jetën e tij mes udhëtimeve dhe njohjeve të reja me personazhet më të famshëm. Prej disa vitesh, Toros është një ndjekës i rregullt i ‘Festivalit të Filmit në Venezia’. Këtë vit festohet 75-vjetori i këtij festivali dhe sigurisht që Toros nuk mund të mungonte. Ashtu si çdo herë tjetër ai është takuar me disa nga emrat më të njohur të kinematografisë botërore. Në fotografitë e publikuara, ish-banori i ‘Big Brother’ shfaqet përkrah regjisorit, Guillermo del Toro, si dhe aktorit Spike Lee. Këtë vit, del Toro është pjesë e jurisë së ‘Festivalit të Venezias’ dhe vitin e kaluar ka rrëmbyer çmimin ‘Oscar’ dhe ‘Luani i artë’ për filmin ‘The Shape of Water’. Për Torosin duhet të jetë një fat i madh të jetë prezent në një festival të tillë që fiton gjithë vëmendjen gjatë kohës së organizimit dhe të jetë kaq pranë yjeve botërorë. /revistawho.com
