Ndarja e këngëtarit Gettinjo dhe ish-banores së “BBVK” duket se është definitive dhe këtë e ka treguar deklarata e kësaj të fundit. Në një intervistë për “Mos i bjer me top”, Vivien tha se arsyeja e vërtetë e ndarjes lidhet pikërisht me faktin se këngëtari është i varur nga lojërat e fatit.
“Jam ndarë me Getin jo për shkak të ndonjë sherri të madh ose të një tradhtie. Një arsye që kishte kohë që ishte pjesë, ishte një gabim ose një fiksim i tij me një gjë të jetës që unë e dënoj shumë personalisht, që janë lojrat e fatit edhe që shkatërron çdo familje. Çdo lidhje, çdo marrëdhënie që një njeri mund të ketë me tjetrin.
Është shumë keq kur një marrëdhënie përfundon për gjëra që nuk kanë lidhje me çiftin. Por kur gjërat i ndërpret një ves kaq i ndyrë, bixhozi është shumë keq”, ka thënë ajo.
Kjo ka sjellë reagimin e menjëhershëm të këngëtarit. Përmes një “Instastory” ai thotë se e ka ditur saktë se situata do të vinte kështu.
“E kam ditur saktë, kështu, se unë këtë kokë e përdor vetëm për jetën time dhe e dinë të gjithë çfarë dua, e dinë çfarë duan njerëzit. Nga fillimi e di. Kështu që nuk është lehtë që këtij djaloshi t’ia lërë gilen dikush, se kam goxha kilometra. Më vjen keq, çfarë të bëj, kështu jam dhe kurrë nuk do ndryshoj. Nuk gaboj kurrë në vendime, se e di që të gjithë kanë nevojë për vëmendje”, ka thënë Getinjo.
Në një story tjetër, këngëtari ka pohuar edhe njëherë atë që ka thënë ish-partnerja e tij, duke theksuar se nuk bën asgjë për të tërhequr vëmendjen.
