Jennifer Lopez kthehet fuqishëm në qendër të vëmendjes me projektin e saj të fundit filmik dhe muzikor, “Kiss of the Spider Woman”, ku jo vetëm që impresionon me zërin e saj, por edhe me një sërë transformimesh vizuale që theksojnë aftësitë e saj si një ikonë e vërtetë e stilit dhe skenës.
Në trailer-in që sapo është publikuar, J.Lo shfaqet me një stil totalisht të ndryshëm. Në një nga skenat më të komentuara, ajo paraqitet me një prerje të shkurtër pixie dhe flokë në ngjyrë të zezë të errët – një largim i guximshëm nga nuanca e zakonshme karamel që e ka karakterizuar për vite me radhë.
“J.Lo ndryshon totalisht ‘look’: Shfaqet me flokë të zinj dhe…”
Për ta kompletuar këtë stil misterioz dhe të frymëzuar nga estetika vampir, ajo ka zgjedhur një make-up dramatik me qerpikë të gjatë, sy me tone të errëta, faqe rozë të theksuara dhe buzë të kuqe me shkëlqim.
Veshja është po aq mbresëlënëse: një fustan i zi me ndriçim metalik, korse e ngushtë dhe një fund i ngjitur pas trupit. Pamja plotësohet nga doreza të zeza transparente dhe një varëse diamanti që e bën skenën të duket si një shpërthim elegance dhe sensualiteti.
Në një tjetër moment të filmit, J.Lo shndërrohet në një figurë bionde që të kujton Marilyn Monroe. Flokët janë të stiluar në kaçurrela të mëdha e voluminoze, me ndarje në mes, ndërsa grimi është klasik hollywoodian.
“J.Lo ndryshon totalisht ‘look’: Shfaqet me flokë të zinj dhe…”
Ky stil shoqërohet me një fustan të artë me shkëlqim dhe flokët e kapur lart në një formë elegante, duke përforcuar edhe më shumë referencën vizuale ndaj Monroe-s.
Në pamjen finale të trailer-it, Lopez vishet me një fustan të bardhë që ngjan me një xhaketë të shkurtër, të kombinuar me një kapelë cilindrike të bardhë dhe sandale me taka argjendi, duke e mbyllur prezantimin me një tjetër notë të rafinuar.
