William Levy dhe Elizabeth Gutierrez janë dy aktorët më të dashur të tenelovelave meksikane. Ata janë të martuar prej vitesh dhe nga kjo martesë, çifti ka dy fëmijë djalin Christopher dhe vajzën Kailey. Së fundmi në mediat meksikane po thuhet se çifti nuk kanë raporte të mira me njëri-tjetrin dhe se prej kohësh ata janë ndarë. Mirëpo për hir të fëmijëve thuhet se William dhe Elizabeth qëndrojnë në të njëjtën shtëpi, por flenë në dhoma të ndryshme.
Në rrjetet e tyre sociale çifti i ka akoma fotot dhe dedikimet e dashurisë që i kanë bërë njëri-tjetrit. Se çfarë po ndodh në të vërtetë e dinë vetëm ata dhe derisa këto lajme të konfirmohen ose jo, gjithçka mbetet në kuadrin e thashethemeve.
