Moderatorja e njohur shqiptare, Orinda Huta, ka ndarë së fundmi një moment shumë personal me ndjekësit e saj në Instagram. Përmes një rubrike pyetje-përgjigje, ajo ka treguar se bashkë me Turin dëshirojnë të zgjerojnë familjen, por shtatzënia e dytë nuk ka ardhur ende.
E pyetur nga një ndjekës nëse do t’i japë vajzës së tyre Atara një motër apo vëlla, Orinda u përgjigj me sinqeritet:
“Patjetër që duam, por nuk po vjen. Lutemi çdo natë me Ataren që të jetë në planin e Zotit.”
Çifti u bë prind për herë të parë në vitin 2021, me ardhjen në jetë të vogëlushes Atara – një bekim i shumëpritur, sidomos pas një aborti spontan që Orinda kishte përjetuar më herët. Ajo ka folur më parë për këtë eksperiencë të vështirë, duke e cilësuar Atarën si një “dhuratë të papritur nga Zoti”.
Dëshira për një fëmijë të dytë tregon edhe një herë lidhjen e fortë që familja ka krijuar dhe përkushtimin e Orindës dhe Turjanit për të ndërtuar një jetë të mbushur me dashuri dhe shpresë.
