Një ngjarje e rëndë ka ndodhur në një familje shqiptare ne Itali. Ai nuk mund ta pranonte faktin se gruaja e tij kishte kërkuar divorcin dhe pas një grindjeje mori një shishe me benzinë dhe tentoi t’i vinte zjarrin.
Sipas mediave italiane, bëhet fjalë për një çift shqiptarësh me banim në Gorgonzola, Milano.
Burri 42 vjeç dhe gruaja 41 kishin nisur prej kohësh procesin e divorcit në Shqipëri dhe në tetor priten vendimi i Gjykatësit. Por mbrëmjen e djeshme, ata u përleshën sërish. Çifti kishte tre fëmijë: 23, 22 dhe 14 vjeç.
Ndërsa tentoi ti vinte zjarrin gruas, burri shqiptar u lye dhe vetë me benzinë. Më pas flaka “pushtoi” atë, ndërsa gruaja u hodh nga ballkoni (kati i parë banim).
42-vjeçari tentoi ta ndiqte nga pas duke u hedhur edhe ai nga ballkoni. Një kalimtar, pasi pa gjithë skenën njoftoi policinë. Gruaja ka marrë disa lëndime, ndërsa 42-vjeçari ka 98 për qind të trupit të djegur. /tvklan.al
