Festat e fundvitit nuk kanë mbërritur ende, por Justin Bieber ka nisur të marrë dhurata që tani. Këngëtari ka treguar se ka marrë një unazë të madhe diamanti si dhuratë nga kolegu i tij, J Balvin. Justin ka publikuar në ‘Instagram’ një foto të unazës, e cila duhet të jetë shumë e shtrenjtë. Bieber ka përmendur Balvin në postimin e tij dhe e ka falenderuar publikisht për dhuratën.
Ende nuk dihet se çfarë e shtyu J Balvin t’i bënte një dhuratë kaq të shtrenjtë mikut të tij, por dyshohet se mes tyre mund të ketë një bashkëpunim. Së fundmi “People” ka zbuluar se Justin po punon për këngë të reja dhe ndoshta njëra prej tyre mund të vijë si duet me J Balvin. Nëse kjo do të ndodhë nuk do të jetë hera e parë që dy artistët punojnë me njëri-tjetrin, sepse në 2015-tën Bieber bashkëpunoi me këngëtarin kolumbian për ‘remix-in’ e këngës së tij ‘Sorry’. /revistawho.com
