Aktorja Margot Robbie, ylli i filmit “Barbie”, ka folur për herë të parë se si ndihet pasi nuk u nominua për “Oscar” në kategorinë e aktores më të mirë.
Filmi mori 8 nominime për Oscar , duke përfshirë filmin më të mirë, aktorin më të mirë dytësor dhe aktoren më të mirë dytësore. Fansat, megjithatë, ishin të befasuar që Margot ishte anashkaluar për rolin e saj protagonist.
Robbie, e cila është gjithashtu një nga producentet e filmit, tha se nuk është e trishtuar për këtë. Ajo shtoi se misioni i filmit është të ndikojë në kulturë dhe se ky është “shpërblimi më i madh” që ka ardhur nga suksesi i filmit.
