NUMRI/ Taksisti i ndershëm kërkon vajzën që harroi 173 mijë lekë dhe syzet

Një taksist ka bërë një veprim mjaft fisnik duke kërkuar që t’i kthejë vajzës një shumë parashë dhe syzet që harroi në automjetin e tij. Taksisti me iniciale M.L., kërkon që me këtë rast t’ju ndryshojë mendjen të gjithë atyre personave që mendojnë keq për taksistët. Por, taksisti paralajmëron vajzat që do të tentojnë të shtiren si vajza që harroi lekët. “Përshëndetje Jeta Osh Qef! Meqë ne taksistëve na kanë shumë inat për ecjen që bëjmë në rrugë, shpresoj me këtë gjest të ndryshojnë mendim për shpirtin që kemi. Një gocë ka harruar në taksi këtë mbajtëse syzesh optike me gjithë syze dhe 173 500 lekë të vjetra brenda mbajtëses. Numrin tim mund t’ia jepni ju 0695214726 dhe mos t’i rrej mendja ndonjë goce të shtiret si ajo sepse ka 2 fjalëkalime, 1- adresën ku e çova dhe 2- Sa i kushtoi rruga”, shkruan taksisti.