Këngëtarja e njohur Fjolla Morina duket se ka hyrë në një kapitull të ri të jetës së saj, atë të dashurisë.
Edhe pse ajo nuk ka folur hapur për një lidhje të re, gjestet dhe postimet e saj në rrjete sociale flasin vetë. Kohët e fundit, ajo është shfaqur më e qetë, më e buzëqeshur dhe dukshëm më e lumtur.
Në një video të publikuar në “Snapchat”, këngëtarja ka ndarë me ndjekësit një moment romantik që ka bërë shumë zhurmë në rrjet, një dhomë e mbushur plot me trëndafila të kuq, të vendosur me kujdes në çdo cep. Pamjet flasin për një surprizë dashurie që s’ka nevojë për fjalë.
Por ajo që ka ngjallur më shumë kureshtje është një detaj i vogël, por domethënës: mbi sfondin e trëndafilave lexohej mbishkrimi “Bride to be”. Kjo ka shtuar dyshimet se Fjolla mund të jetë në prag të martesës dhe po përgatitet për hapin e madh.
Pas një periudhe të gjatë reflektimi dhe larg vëmendjes publike, Fjolla Morina duket se ka gjetur paqen dhe dashurinë që kërkonte. Ajo po jeton në ritmin e saj, duke i lejuar ndjenjave të flasin pa zhurmë e me elegancë.
Edhe pse identiteti i personit që i ka mbushur dhomën me lule mbetet mister, një gjë është e sigurt: Fjolla është mirë, e qetë dhe e dashuruar.
