Si asnjëherë më parë, e marta e 14 Janarit do të mbledhë në Tiranë të gjithë ministrat e rajonit nga Italia e Greqia, te Kroacia, Sllovenia, e Serbia. “Oda”, eventi i organizuar nga Ketrina Jarazi dhe Agnesa Hadërgjonaj, nën kujdesin e ministrit Blendi Klosi, mbledh në Tiranë elitën e turizmit ndërkombëtar në rajon, që këtë herë vjen të mësojë nga Shqipëria, një leksion solidariteti të rrallë për turizmin. Përveç ministrave, pjesë e këtij eventi do të jenë edhe agjencitë lidere të turizmit në rajon, përfaqësues të hoteleve më të rëndësishme, të gjithë operatorët turistikë në vend, të gjithë kryetarët e bashkive, ministra dhe kryeministri Rama. Mbrëmja gala nga “Oda” do të mbahet në Pallatin e Brigadave dhe pritet që pjesëmarrësit të jenë të shumtë, pasi përveç turizmit një vëmendje të madhe do të marrë edhe tragjedia e tërmetit të 26 nëntorit dhe solidarizimi me familjet e prekura.
