Prezantuesja e zgjedhur për American Music Awards, Gigi Hadid, vendosi që gjatë natës së madhe të imitonte zonjën e parë të vendit, Melanie Trump. Por duket se kjo gjë nuk është pritur aspak mirë nga fansat e saj. Të shumtë kanë qenë ata që e kanë kritikuar Gigin dhe ajo nuk ka vonuar të dalë me një deklaratë për këtë fakt. Kam qenë e nderuar të prezantoj këtë edicion të “AMA’s” dhe të punoja me disa nga skenaristët më të mirë në këtë biznes. Kam bërë ndryshime e modifikime të skriptit për ato që kam menduar se mund të ishin pak të papërshtatshme. Por ndodhi çfarë ndodhi dhe un shpresoj të jetë marrë me humor të mirë dhe pa qëllime dashakeqe. Edhe unë kam qenë objekt talljeje për disa seriale por kam arritur të kapë atë anën pozitive. Besoj se Melania e kupton shoëbizin dhe mënyrën se si këta skenarë mund të shkruhen.
Kërkoj falje për ata që janë ndjerë të ofenduar dhe shpreh dëshirat më të mira për këtë vend”, shkruan në letrën e saj.
Edhe bashkëprezantuesi i Gigi Hadid, Jay Pharoah, ka shkruar në Facebook duke kritikuar ata që u hodhën kundra Gigit, të cilët sipas tij kanë heshtur kur ish-Zonja e Parë ishte ofenduar me emra si majmun në take, gorillë, e fëlliqur dhe epitete tjera negative, kurse tash qojnë pluhur për një shaka të thjeshtë që s’kishte përfshirë as edhe më të voglën fjalë fyese.
