Quhen “residency” dhe janë moda e fundit e hoteleve të luksit në Las Vegas: Të kesh një yll që jeton në hotel për një periudhë kohe e që performon për klientët. Duke ndjekur këtë trend, sipas “The Sun”, hoteli “Wynn” ndër më luksozët e qytetit, i ka kërkuar yllit Adele të jetë rezidente për një vit duke i ofruar 20 milionë euro.
Këngëtarja britanike duhet edhe të performojë herë pas here duke marrë një pagesë ekstra prej 500 mijë eurosh për çdo performancë. Nuk dihet ende nëse artistja e ka pranuar ofertën e çmendur. Vitet e fundit në Las Vegas, të tjerë yje si Britney Spears, Mariah Carey e Celine Dion ka qenë zyrtarisht rezidente nëpër hotele luksi. Kjo është një mënyrë që hotelet të rrisin prestigjin e artistët të marrin rroga shumëmilionëshe rregullisht./ revistawho.com
