Gjatë muajit dhjetor, Cardi B dhe Offset kaluan një periudhë të vështirë në lidhjen e tyre. Reperja vendosi të ndahej nga bashkëshorti i saj për shkak të tradhtisë së tij, mirëpo Offset bëri gjithçka që ajo ta falte. Gjatë një koncerti të Cardit, Offset u shfaq duke i kërkuar falje publikisht, gjest ky që mori shumë kritika nga të gjithë. “E dua bashkëshorten time, pra është diçka serioze, jo një lojë. Ne kemi shumë koncerte dhe marrim pjesë në evente të ndryshme dhe një pauzë është e nevojshme, por unë nuk mundem. Nëse bëj diçka të gabuar, e pranoj si burrë. Thjesht dua të dish që kujdesem për ty dhe se të dua”, është shprehur reperi. Ai tha se i propozoi Cardit në mes të 60,000 njerëzve dhe e gjitha kjo për të treguar afeksionin e tij. Sipas tij, fakti që mori kaq shumë urretje nga të gjithë pasi kërkoi falje publikisht, është arsyeja pse meshkujt nuk shprehin ndjenjat e tyre./revistawho.com
Offset dhe Cardi B sërish bashkë, reperi flet për periudhën e ndarjes
