Në rrjet po ndizet një nga debatet më të ashpra të momentit. Pas deklaratës së gjatë të Alketës, e cila kritikoi publikisht “Big Brother Vip Kosova” për promovim anti-vlerash, producentja e spektaklit, Olsa Muhameti, nuk e la pa përgjigje. Përkundrazi, reagimi i saj ka qenë i prerë, i drejtpërdrejtë dhe plot ngarkesë.
Në postimin e saj, Olsa godet fort, duke e akuzuar Vejsiun për paragjykim dhe mungesë profesionalizmi. Ajo i drejtohet asaj me një gjuhë që ka ndezur çdo kënd të rrjeteve sociale.
Reagimi i plotë i Olsës, që po qarkullon masivisht online:
“Dmth të gjykosh ti: ‘Mbretëresha’ e programeve të vyshkur, arkaikë, pa emocion, ashtu fake si ty!
Dhe mos analizo një program, vetëm nga rrjetet sociale meqë thua se nuk e ke parë, se tregon jo profesionalizëm!
S’ke faj se ti ashtu je, fasadë jo brendi, e si e tillë programin e gjykon nga disa video interneti.
Gjithsesi të sfidoj, po kam frikë se do humbasësh si para ca vitesh…”
Ky reagim ka hapur një tjetër front debati mes dy emrave të njohur të televizionit shqiptar. Komentet, diskutimet dhe ndarjet pro/kontra janë shpërndarë me shpejtësi, duke e kthyer këtë përplasje në një nga temat më të nxehta të ditës.
