Këngëtari i njohur shqiptar, Lorenc Hasrama, i ftuar në emisionin “Rreze Dielli” ka folur për projektet e tij muzikore dhe për tatuazhet, që në trupin e tij janë të shumta. Më i veçanti është ai në qafë, një shkrim që është motoja e jetës së këngëtarit, “Remember why you started”.
Një tatuazh të ngjashëm ka edhe Olsi Bylyku, me të cilin Lorenci ka vite miqësi. Ky i fundit thotë se ishte pikërisht ai që i dha idenë Olsit për të bërë këtë tatuazh dhe tregon me humor përse.
-Cili tatuazh të pëlqen më shumë dhe a ke ndonjë dedikim?
-Nuk kam tatuazhe dedikimi, kam vetëm këtë në qafë (Remember why you started) që e kam patur moto që para disa vitesh.
– Ka dhe Olsi një ashtu. Kush ka kopjuar kë?
-Ti mendon se Olsi di kaq shumë anglisht? (qesh). Olsin doja ta bindja të bënte tatuazh. Pse? Sepse ka pas bërë disa shkronja kineze sikur ka qenë në burg, gjoja se kishte bërë gërmat e familjes. Doja ta bindja të bënte diçka ndryshe. Unë i kam aq shumë qejf tatuazhet, sa dua t’i bëjnë edhe njerëzit që rrinë me mua. Dhe i thashë të bënte diçka njësoj si unë.
Olsi dhe Lorenci përveçse dy miq shumë të mirë, janë dhe dy bashkëpuntorë të suksesshëm, pasi këngët e tyre janë kthyer në hite shumë të dashura për publikun.
