Shpesh personazhet e njohur përballen me komente fyese dhe kritika të shumta. Një gjë e tillë i ka ndodhur dhe këngëtares së njohur Olta Bokës, e cila ditën e djeshme u përball me mesazhe fyese rreth paraqitjes së saj, të cilave ju përgjigj me sportivitet. Ajo u shpreh se një mesazh i tillë nuk do ja prishte ditën dhe se ishte shumë e lumtur me veten e saj dhe paraqitjen që ka. “Unë jam më shumë se dëshira jote për të më projektuar ndryshe”, ka shkruar Olta referuar mesazhit që ju dërgua. Por ajo nuk e la me kaq përgjigjen e saj, pasi sot është përgjigjur gjithashtu me një postim të veçantë. Në foton e publikuar në ‘Instagram’ është një modele e brandit të Rihannës e cila ka dhëmbët e ndarë, njësoj si artistja. “Motivimi i ditës. Je e bukur pavarësisht çdo gjëje”, shkruan këngëtarja bashkangjitur me foton. Kjo nuk është vetëm një përgjigje për komentuesin, por edhe një mesazh shumë i bukur për të gjitha vajzat.
