Olta Boka është shumë pak aktive në rrjete sociale dhe siç duket kjo është një zgjedhje e saj. Ajo nuk ka preferuar të bëhet pjesë e mediave për çështje që nuk kanë të bëjnë me muzikën dhe profesionin e saj si këngëtare. Këtë gjë Olta e ka pranuar vetë dhe ka treguar se kjo gjë i ka “kushtuar” edhe me largimin e ndjekësve në rrjete sociale. Ajo ka kuptuar se dhe bota virtuale ka nevojë për përkujdesje, por për shkak të karakterit të saj ka preferuar të qëndrojë larg “skandaleve” dhe të shijojë jetën në thjeshtësinë e saj.
“Si për inat ky karakteri im paksa ‘hermetik’ nuk më lejon të ndaj me ju çdo gjë që ndodh në jetën time. Ndoshta sepse gjithmonë më ka pëlqyer ta jetoj ditën në formën e saj më të thjeshtë të mundshme, me planet dhe të papriturat që të ofron, pa shumë bujë”, – ka shkruar Olta. Megjithatë ajo ka falenderuar të gjithë ata që vazhdojnë e ndjekin për muzikën që bën dhe nuk ngurrojnë t’i shprehin dashurinë në çdo moment. Këngëtarja ka njoftuar se shumë shpejt do të vijë dhe me projekte të reja, për t’i kthyer gjithë dashurinë publikut të saj. /revistawho.com
https://www.instagram.com/p/BtarEypnTYK/
