Olta Gixhari ka mbajtur qëndrim ndaj një postimi të Milaim Zekës, që ai tashmë e ka fshirë, i cili përfshinte shaka me nuanca seksuale ndaj konkurrentes së Big Brother VIP Kosova, Lela.
“Hapet televotimi” shkruhej në postimin e Milaim Zekës mbi një foto ku ajo ishte duke qëndruar mbi divan në një pozicion të sikletshëm, me këmbët e hapura.
Olta e konsideroi të papranueshme shakanë e bashkë opinionistit të BBVK, duke vënë në dukje edhe moshën e Milaimit.
“Sa gjest i ulët të përfitosh nga dobësia e një gruaje, fshehurazi, ndërkohë që ajo nuk është as e vetëdijshme për situatën. A të ka hije të bësh shaka seksuale si adoleshent?” shkroi Olta.
Ndërkohë, Milaim Zeka i është kundërpërgjigjur duke e akuzuar se ajo nuk ka marrë famë nga karriera e saj por nga pjesëmarrja në Big. Ai shkroi se “Olta është e njohur nga Big Brotheri, kurse ‘unë nuk jam Milaimi i Bigut’’.
