Rreth dy vite më parë këngëtarja Soni Malaj paditi në gjykatë për fyerje, opinionistin Olti Curri. I gjithë shkaku i kësaj ngjarje ishte një status që Olti bëri në ‘Facebook’ dhe në të përmendte edhe Sonin, duke komentuar një fotografi të saj. Megjithatë pas gjithë kësaj këngëtarja dhe opinionisti kanë bërë paqe dhe janë takuar për herë të parë së bashku në një event. Të dy ndodheshin në një sfilatë të organizuar në Durrës dhe në një intervistë për “Pushime On Top” kanë treguar se çdo gjë ecën mirë. Kur u pyet se me cilët VP-a nuk flet në evente, Olti u përgjigj: “Unë flas me të gjithë, madje surpriza e surprizave këtu është Soni Malaj, me të cilën kemi pasur diçka të vogël”. Olti ka thirrur menjëherë pranë vetes Sonin dhe të dy u panë të përqafuar dhe duke qeshur së bashku gjatë intervistës. /revistawho.com
