Sukseset për këngëtaren me origjinë shqiptare, Dua Lipa, duket se nuk paskan fund. Pas performancës së jashtëzakonshme në ‘Uefa Champions League’, Dua me siguri ka bërë për vete më shumë fansa në mbarë botën. Kënga më e fundit e realizuar prej saj, është bashkëpunimi me DJ më të famshëm Calvin Harris, ‘One Kiss’.
Duket se kjo këngë ka arritur të thyejë rekordin e top-listës britanike. Për 7 javë me radhë ka kryesuar në vendin e parë dhe ky është sukses i madh jo vetëm për Duan, por edhe për Calvin Harris. Në një postim në ‘Instagram’, këngëtarja me origjinë shqiptare ka shkruar: “7 jam në parajsë! 7 javë në vendin e parë ‘One Kiss’. E pabesueshme! I kam thënë Calvin Harris se doja që ky të ishte sundimi i tij më i gjatë në vendin e parë dhe shikoni çfarë ka ndodhur”. Pas kësaj me siguri vendi i parë jo vetëm në listën britanike, por edhe në atë botërore, do të jetë diçka e zakonshme për Dua Lipën. /revistawho.com
