Ndryshimet në televizion për sezonin e ri kanë prekur pothuajse çdo program. Ervin Kurti, një nga emrat më të njohur të gazetarisë në Shqipëri dhe opinionist për dy sezone i ‘Top Show Magazine’, ka bërë të ditur se nuk do të jetë më pjesë e programit në fjalë.
Me anë të një mesazhi të publikuar në ‘Instagram’ krahas fotove me kolegët e tij, ai ka falënderuar të gjithë stafin. “Që nga sonte do ta ndjek ‘Top Show-n’ përmes ekranit. Alban Dudushi, ti kurrë s’ke dashur të të komplimentoj për së afërmi, por pas 4 vitesh pune me ty, jam ndjerë i privilegjuar që kam mësuar prej një gazetari dhe moderatori që pos të gjithave, bart pa diskutim vlera qytetare dhe profesionalizmi. Mirënjohje pafund ty dhe stafit. Albana Osmani, ke qenë një partnere si luledielli. Për ndjekësit në ‘Instagram’, ne do shihemi në projekte të tjera”,-ka thënë ndër të tjera Ervini.
Gazetari ka fituar zemrat e publikut me batutat dhe ‘ngacmimet’ drejtuar të ftuarve VIP./revistawho.com
