Me fillimin e pranverës, rikthehet edhe ndryshimi i orës! Në natën mes të shtunës dhe të dielës, më 30 mars, akrepat do të zhvendosen 60 minuta përpara. Në orën 02:00, ora do të kalojë menjëherë në 03:00, duke na “marrë” një orë gjumë, por duke na dhuruar më shumë dritë gjatë ditës.
Ky ndryshim, i cili zbatohet në të gjithë Evropën, synon të shfrytëzojë më mirë orët e diellit dhe të reduktojë konsumin e energjisë elektrike. Ora verore do të mbetet në fuqi deri në fund të tetorit, kur do të rikthehet ora diellore.
Megjithëse ka pasur diskutime për heqjen e ndryshimit sezonal të orës, ai mbetet ende në fuqi si një rregull i unifikuar evropian që daton prej vitit 1981.
A jeni gati për ditët më të gjata dhe mbrëmjet plot dritë?
