Të ushqehesh emocionalisht do të thotë të ngopësh mendjen, jo stomakun. Kur jemi të stresuar apo nuk ndihemi të ngarkuar psikologjikisht e gjejmë veten duke ngrënë patatina, një çokollatë të tërë apo diçka tjetër për të cilën nuk kemi qenë të vetëdijshëm në momentin që e kemi konsumuar. Konsumimi i ushqimeve pa qenë të përqendruar tek ajo çka po hani bën që ju të mos ngopeni dhe si rrjedhojë të konsumoni sasi të mëdha ushqimi dhe të shtoni në peshë. Nga ana tjetër ndjesia e ngopjes është një perceptim që shkon me vonesë në tru, për këtë arsye duhet të çohemi të pangopur mirë nga tavolina.
7 mënyra si t’i thoni stop ushqyerjes emocionale
Bisedoni me një mik – në këtë mënyrë ju do ta largoni mendjen nga ushqimi dhe do të fokusoheni diku tjetër.
Lexoni një libër, revistë apo dëgjoni muzikë- stresi apo gjendja e ngarkuar emocionale mund të kaloj edhe me mënyra të tjera si dëgjimi i muzikës apo leximi i një libri.
Bëni ecje të lirë – ajri i pastër do ju ndihmojë të çliroheni nga stresi.
Meditoni ose bëni joga- joga është një tjetër aktivitet që ju ndihmon shumë në largimin e stresit dhe energjive negative.
Bëni punë shtëpie- në këtë mënyrë shtëpia juaj është më e pastër, ju e vendosni trupin në aktivitet dhe mendja nuk ju shkon tek ushqimi.
Shkruani një ‘e-mail’
Një tjetër alternativë që ju ndihmon të largoni ushqimin kur nuk jeni të uritur është mbajtja e një ditari për ato që konsumoni. Aty mund të shkruani çfarë dhe kur hani si dhe çfarë mendimesh apo emocionesh patët në çdo vakt. Në këtë mënyrë ju e keni më të lehtë të kuptoni kur kanë qenë rastet që keni ngrënë për arsye emocionale apo sociale. Të ngrënit në mënyrë sociale do të thotë të hash kur të tjerët ju inkurajojnë.
Në qoftë se e ndjeni se pas të gjitha këtyre përpjekjeve nuk arrini ta kufizoni të ngrënën edhe kur nuk jeni të uritur, atëherë duhet ti drejtoheni mjekut specialist i cili do t’ju japë rekomandimet përkatëse për të përballuar këtë situatë .
Përpara se të hani diçka, pyesni veten :A jam vërtet i uritur?
