Largimi nga muzika, mund të ketë qenë zgjedhja e duhur e Orinda Hutës, pasi duket se roli i moderatores po e çon drejt skenave të mëdha, siç është skena e festivalit operistik që organizohet në Tiranë. Mbrëmjen e sotme, nisi transmetimin ‘Marie Kraja’ me Orindën në vendin e drejtueses. Ajo mori shumë mbështetje ‘online’ nga kolegët e saj, si dhe nga fansat, të cilët nuk i kanë kursyer komentet e tyre pozitive, megjithatë komenti që tërhoqi më shumë vëmendje, ishte ai i bashkëshortit të saj, Turjan Hyskos. Turjani publikoi një foto të Orindës në ‘Instastory’ me shkrimin: “Po të lutem.. zgjohemi me Verdin, gjumin e bëjmë me Wagner. Normal që do përfundojmë tek ‘Marie Kraja’”, duke zbuluar kështu dashurinë e moderatores për muzikën operistike. Drejtimi i këtij festivali është një hap shumë i rëndësishëm në karrierën e saj dhe duke parë postimet e fundit në rrjetet sociale, Orinda ka shijuar në maksimum çdo moment të tij./revistawho.com
