Festës së 8 marsit nuk mund t’i mungonte dhe urimi i Orinda Hutës. Ditën e sotme ajo ka publikuar një foto me mamanë e saj në ‘Instastory’, me një dedikim shumë të ëmbël, por moderatorja ka zbuluar dhe disa detaje në lidhje me karakterin e saj rebel, apo ‘xhelozinë’ që ekzistonte midis saj dhe vëllait. “Ma nxorre shkumën moj vajzë…Tani nuk ndodh më ta thuash, përkundrazi, por unë e di që të kam lodhur shumë sepse kam qenë vajzë rebele dhe nuk e çaja shumë kokën. Ti më ke dashur shumë gjithmonë dhe shpesh herë jam ndjerë si e preferuara, edhe pse të ngacmoja se doje më shumë djalin. Unë nuk njoh grua më të fortë, më të mirë dhe më të dashur se ti. Faleminderit zotit që të kemi”, ka shkruar Orinda. Momentalisht, ajo i është kushtuar emisionit të saj të ri në ‘Tv Klan’, ‘Jo vetëm modë’ dhe duket se do ta shohim shumë gjatë si moderatore në ekran./revistawho.com
