Oriola Marashi është një nga modelet shqiptare më të pëlqyera dhe të komentuara të momentit. Suksesi i saj nuk është vetëm brenda kufinjve të vendit tonë, pasi emri i saj po kthehet në një nga më të preferuarit edhe të firmave shumë të njohura nëpër botë. Së fundmi, Oriola publikoi një foto në ‘Instagram’, ku dha lajmin se tashmë i përkiste familjes së madhe të firmës prestigjoze ‘Guess’, ndërsa vetëm mbrëmjen e djeshme, ajo shkëlqeu në sfilatën e organizuar në Barcelonë. Ajo ishte e vetmja shqiptare ndër shumë modele që merrnin pjesë dhe mund të themi se e përfaqësoi vendin tonë me shumë dinjitet. Pas dashurisë dhe vëmendjes që mori nga miqtë dhe kolegët e saj ‘online’, modelja nuk harroi të falenderonte dhe njerëzit më të dashur që e kishin mbështetur gjatë gjithë rrugëtimit. “Nuk mund të isha këtu pa ju”, është shprehur Oriola, teksa dukej shumë e gëzuar për arritjet e saj./revistawho.com
